Weeraryahanka Liverpool Mohamed Salah ayaa lagu soo waramayaa inuu qarka u saaran yahay inuu saxiixo qandaraas cusub oo labo sano ah oo uu ku sii joogayo garoonka Anfield.
Ciyaaryahanka heerka caalami ee dalka Masar ayaa qaab ciyaareed heer sare ah ku soo bandhigay Reds xilli ciyaareedkan isagoo dhaliyay 32 gool, waxaana uu diiwaan geliyay 22 caawin 44 kulan oo uu saftay tartamada oo dhan.
Liverpool ayaa laga reebay tartanka champions League halka sidoo kale laga qaaday koobka Carabao Cup-ka laakiin waxa ay ku wajahan yihiin ku guulaysiga premier League.
Guushii Arbacadii ay Everton 1-0 kaga badisay Merseyside derby ayaa Reds 12 dhibcood ka sareeya Arsenal oo ku jirta kaalinta 2-aad.
Salah ayaa qaab ciyaareed heer sare ah ku soo bandhigaya horyaalka England xilli ciyaareedkan, isagoo dhaliyay 27 gool, waxaana loo diiwaan geliyay 17 caawin 30 kulan oo uu saftay, laakiin qandaraaskiisu wuxuu dhacayaa dhamaadka bisha June.
Waxa jira hadal hayn ku saabsan mustaqbalkiisa bilihii ugu dambeeyay laakiin sida laga soo xigtay FootMercato, sheekada ayaa dhawaan soo afjarmi karta.
Wararka ayaa sheegaya in Salah uu haatan aad ugu dhow yahay inuu u saxiixo heshiis cusub oo labo sano ah oo uu ku sii joogayo Anfield, iyadoo lagu dhawaaqayo mustaqbalka in uu sii joogayo kooxda wakhti dhaw.
