Arsenal ayaa wajaheysa walaac si ay u ogaato heerka uu gaarsiisan yahay dhaawaca muruqa Gabriel iyada oo markii hore laga baqayay inuu wajaho dhaawac weyn.
Daafaca dhexe ayaa ciyaarta laga saaray kulankii ay Arsenal ka badisay kooxda Fulham kulan ka tirsanaa horyaalka premier League.
Gabriel ayaa daawayn lagu sameeyay ka hor intii aan ciyaarta laga saarin waxana uu haatan shaki ku jiraa in uu mar kale u ciyaaro kooxda.
Waxa laga shakisan yahay dhaawac ka soo gaadhay muruqa waxana uu dhaawacaas yimid wakhtigii ugu xumaa iyada oo Arsenal la ciyaarayso Real Madrid todobaadka dambe lugta hore ee 8 dhamaadka champions League.
