Viktor Gyokeres ayaa xiisa ka helay kooxaha Manchester United, Arsenal iyo Liverpool – laakiin hal koox oo Premier League ah ayaa maskaxdiisa hormood ka ah.
Gyokeres ayaa ku jiray qaab gool dhalineed cajiib ah tan iyo markii uu ku soo biiray Sporting Lisbon 2023, isagoo dhaliyay 85 gool 92 kulan oo uu saftay.
Weeraryahanka reer Sweden ayaa ku riyaaqay labo xilli ciyaareed oo cajiib ah kooxda Championship-ka ka ciyaarta ee Coventry City laakiin waxa uu heer kale gaaray tan iyo markii uu u soo dhaqaaqay Portugal, isagoo ka noqday weeraryanada ugu fiican yurub.
Gyokeres ayaa la filayaa in uu u dhaqaaqo xagaagan inkasta oo uu heshiis seddex sano ah kula jiray Sporting isla markaana uu haysto lacag aad u badan oo lagu burburin karo heshiiskiisa oo dhan 100 milyan oo euro.
Wararka ka imaanaya Portugal ayaa sheegaya in 26-sano jirkaan oo horraantii xilli ciyaareedkaan saddexley ka dhaliyay Man City champions League uu doonayo in uu ku soo biiro horyaalka Premier League.
Ruben Amorim ayaa wali rajeynaya inuu keeno Old Trafford xiddigiisii hore ee Sporting inkastoo Manchester United ay sii wado dhibaatada ay qabto.
Liverpool ayaa sidoo kale si aad ah loola xiriirinayay inay u dhaqaaqdo iyadoo Arne Slot uu doonayo inuu keeno weeraryahan la aqoonsan yahay si uu u hogaamiyo weerarka islamarkaana u bedelo Darwin Nunez.
Laakiin labada kooxood ee United iyo Liverpool ayaa laga yaabaa inay niyad jabaan maadaama Gyokeres uu doorbidayo in uu ku biiro kooxda Arsenal sida laga soo xigtay A Bola.
