Waxa lagu jiraa dhamaadka xilli ciyaareedka iyada oo kooxaha u dagaalamayaan sidii ay meel fiican ugu dhamaysan lahaayeen.
Sidoo kale Kooxaha ayaa bilaabaya sidii ay u ilaysan lahaayeen xiddigo ay ku xoojiyaan kooxdooda xilli ciyaareedka ambe.
Mohamed Salah ayaa go’aansaday inuu isaga tago Liverpool marka uu dhamaado qandaraaskiisa, iyadoo Reds ay raadineyso inay u dhaqaaqdo xiddiga Real Sociedad Takefusa Kubo si uu u bedelo (Fichajes).
Xaqiiqdii, Kubo ayaa noqon doona bartilmaameedka ugu sarreeya ee Liverpool haddii ay isku arkaan inay u baahan yihiin bedelka Salah (TEAMtalk).
Xiddiga kale ee Sociedad, khadka dhexe Martin Zubimendi, ayaa doonaya inuu ku biiro Real Madrid xagaagan, laakiin waxa uu gartay in Arsenal ay dadaal badan ku bixineyso saxiixiisa (Defensa Central).
Chelsea ayaa ka fiirsaneysa inay lasoo saxiixato weeraryahan Emanuel Emegha oo ka tirsan kooxda ay walaalaha yihiin ee Strasbourg, 22 jirka reer Holland ayaa ah gooldhaliyaha ugu sareeya kooxda isagoo dhaliyay 12 gool 22 kulan uu ciyaaray (Mohamed Toubache-Ter).
Sidoo kale waxaa laga yaabaa inuu yimaado Chelsea daafaca dhexe ee Crystal Palace Marc Guehi. Blues ayaa aad ugu kalsoon in xiddiga heerka caalami ee dalka England uu doonayo inuu dib ugu laabto Stamford Bridge, halkaasoo uu joogay yaraantiisii (GIVEMESPORT).
Saraakiisha Manchester United ayaa garwaaqsaday inay sameeyeen qalad markii ay iska fasaxeen David de Gea waxana ay isku dayi oonaan in y xagaaga dib ula soo saxiixdaan si uu badal ugu noqdo Andre Onana (Fichajes).
Roma ayaa isku dayaysa in ay heshiis amaah ah kula soo saxiixato xiddiga garabka Liverpool Federico Chiesa xilli ciyaareedka soo socda (La Repubblica).
Bernardo Silva ayaa doonaya inuu ka tago Manchester City xagaagan, waxaana uu rajeynayaa inuu doonayaa in uu gabi ahaan isaga tago Premier League (Football Insider).
Arsenal ayaa muujisay xiisaha ay u qabto saxiixa xiddiga garabka uga ciyaara Man United ee Antony kadib markii ay la dhaceen qaab ciyaareedka amaahda ah ee Real Betis kuwaas oo sidoo kale ka shaqaynaya in ay sii haystaan xiddiga reer Brazil xilli ciyaareedka dambe (Fichajes).
Haddii Liverpool ay beeca xorta ah ku weyso Virgil van Dijk xagaagan, Arne Slot ayaa ku riixi doona inuu u dhaqaaqo saxiixa Ronald Araujo oo ka tirsan Barcelona (El Nacional).
